Reseı men Qazaqstannyń saýda aınalymy 34%-ǵa artty, al ekonomıkalyq baılanys jańa deńgeıge kóterildi. Bul jaıynda Reseı Federasıasynyń Prezıdenti Vladımır Pýtın Qazaqstan Respýblıkasynyń Prezıdenti Nursultan Nazarbaevpen áńgime barysynda habarlady, dep jazady Qamshy.kz aqparat agenttigi TASS málimetine súıenip.

«Qazaqstan men Reseı arasyndaǵy ekonomıkalyq  baılanys qarqyndy damyp keledi. Al aǵymdaǵy jylda 10 aı ishinde eki el arasyndaǵy saýda aınalymy 34 % -ǵa artty. Bul – joǵary kórsetkish» dep aıtyp ótti Pýtın óz sózinde.

Sonymen qatar, Reseı Prezıdenti Qazaqstanǵa quıylǵan ınvestısıa kólemi 10 mıllıard dollardan joǵary ekenin aıtyp ótti. 

«Eki el arasyndaǵy baılanystyń nyǵaıtyp jatqany kóńil qýantady.  Biz óz áriptesterimizben eki el arasyndaǵy   energetıkaǵa baılanysty, ǵaryshtaǵy qarym-qatynas máselesin talqyladyq. Bul jerde tek Baıqońyr ǵana emes, Qazaqstannyń aldaǵy ýaqytta jańa tehnologıalar jasaý joly týraly da aıtyldy» dedi Reseı Prezıdenti.

«Qazaqstan ekonomıka salasynda bizdiń seriktesimiz bolyp qala beredi» dep sózin aıaqtaǵan Pýtın Nazarbaevqa 2018 jylǵa tabys tiledi.